Ngā kaupapa: Business, Health

He rakahinonga Māori e ārahi ana i te kaupapa hōu a NUKU ki te Puku

Te Kapa ā-Tihi - Rereātea

Kua hono tahi ētahi rakahinonga Māori me ētahi kaipūtaiao, kaiwhakarato pūtea, kaimahi ahumāra anō hoki, ki te whakarewa i te kaupapa taioranga e kiia nei ko Nuku ki te Puku. 

Tekau mā whā katoa ngā rōpū whakahaere o Nuku Ki Te Puku, e taka mai ana ki raro i ngā waitohu e ono.

E whai ana rātau i ngā kaupapa matua e toru, ā, ko te kaupapa hei whakamaunga atu mā rātau, ko te mate huka. Hei tā te heamana o Nuku ki Te Puku, hei tā Wayne Mulligan, ko te hiahia kia kuhu ki te mākete ki Āhia, inā rā, koinā te wāhi e tino raru nei te tangata i tēnā momo mate.

Hei te pō nei whakarewa ai a NUKU ki te Puku ki te Te Wharewaka i Te Whanganui-a-Tara.