Kaupapa: Nelson Mandela

He rā poroporoāki i a 'Madiba'

I te Pirimia e whakarite ana ki te tuku i ngā mihi ki te matua o Awherika ki Te Tonga o mohoa nei, hei tana, kua whakaritea he tira, e oti te tū hei kanohi kitea mō te hunga katoa o Aotearoa.

Ko Te Minita mo Ngā Take Māori, a Pita Sharples tētahi, ā, hei tāna, ka tae ā-tinana atu ia ki te rā whakamaumahara i a Mandela ki Soweto, i Johannesberg, hei kanohi mō ēra i whai wāhi nui atu ki ngā porotēhi i tu ki Aotearoa mō ngā iwi taketake o Awherika ki te Tonga, pēnei i te porotēhi taapu i te haerenga whutupōro o te kapa Springboks i te tau waru tekau mā tahi.

MoōHilda Halyard-Harawira, he mema o Ngā Tamatoa, i whai wāhi atu ki taua porotēhi tonu, ko Mandela tērā, i whakamoe i te wairua kaikiri o te iwi Pākehā, ki a ia, me tōna whānau tonu.

“Nana i muru ngā hara, mō ngā uri taketake he take nui tērā, he tino tauira tērā ki te ao whānui, ahakoa ngā tino taimahatanga ki runga i a ia.”

Ka tangihia, ka mihia te taonga o te mate e ngā mana nui o te ao rātou ko te mano tini nō Awherika ki te Tonga tonu, ki te Whīra o Soweto, ki te whenua i kitea whakamutungatia ai a Madiba, i te Kapu Whutupāoro o te Ao i tū i te tau rua mano tekau.