Ngā kaupapa: Health, Housing

He pūtea tā Te Manatū Hauora mō ngā whare o te hunga hauā

Arā tētahi puna pūtea a te Manatū Hauora, e whakapiki nei i te oranga o te hunga anga whati.

Ko te whakapai i ngā anga hīkoi mō ngā tūru wīra, te uru atu i ngā ārai mō roto i te rūma horoi ētahi o ngā whakarerekētanga ka kitea mā te pūtea nei.

Engari hei tā Tony Howe (Waikato-Tainui), e pākia ana e tētahi momo mate, e whakangoikore ana i ōna uaua, arā ko te 'muscular dystrophy', kotahi anahe te ara puta i tana kāinga, ka utua e te kāwanatanga.

Hei tāna anō, ko ngā taputapu e whakarauemitia ana e te Manatū Hauora, ngā rauemi waiwai noa iho, ā, me whai whakaaro anō te Manatū, kia utu i nga ara tūru wīra e rua mō te kāinga, kia haumaru ai te noho a te hunga hauā.