He pūtea hōu kua tohaina hei pakanga atu ki te mate Kauri Dieback

Ko te dieback tera ka timata ki te otaota, katahi ra ka rapa ki ngā pakiaka o te rakau kauri, ki te kai i ngā hua o roto. Ko te mutunga iho, ka maringi te toto o te rakau, ka ngahoro mai ngā rau, a, mate ana te rākau.

E kīa ana, i kitea tuatahitia tēnei momo mate ki Te Waitakere i te tau 2007, engari inaianei kua horapa whanui te Kauri Dieback ki ngā ngahere maha puta noa i te motu. Kahore ano kia kitea he rongoa, engari ma te horoi , ka mutu te toronga atu o te mate ki rakau, ki otaota ke atu.

Hei tā Eru Thompson, “He tohu te kauri kei roto Aotearoa, na reira i roto i tena nuihanga ake, ko te tumanako ka riro tonu tētahi wahanga ki te iwi kaing.”

I roto i te rautaki a te Kawanatamga, he 15 miriona taara ka tuku atu mo te wahanga whakahaere, he 10.4 miriona ka tuku atu i roto i ngā tau e wha mō ngā rawa me ngā rauemi kaupare i te mate.

Hei ta Eru Thompson o Te Kawerau a Maki, he kaupapa pai tēnei hei whakatawharau i ngā taonga o te Wao Tapu nui a Tane.

Ko te whakapai i ngā ara hikoi o te wao e para ana e te tini, te hanga mai i ngā pito horoi, me te whakakaha ake i ngā mahi rangahau, rautaki kaupare i te mate ētahi o ngā whainga a te putea nei.