He pūtea āwhina ma ngā kāreti o Te Aute me Hukarere

Aroha Treacher

E toru tau noa ki muri i tata whakakapia te kura o Te Aute na te taumaha o ngā raruraru putea i pēhi i a rātou.

Heoi, no te whakaingoatanga o te tumuaki hou o Shane Hiha, me te poari hou i tohua, kua utua nga nama o te poari, a, kua whai oranga rua rātou.

E whakapono ana a Shane Hiha, “ he ahuatanga pai tēnei, inā inaianei ka tāea e ngā kura e rua te anga whakamua."

Heoi, kua whakaae te peka Māori o te Hahi Mihinare, ara, te Pīhopatanga o Aotearoa, kia riro i te poari o hato hoani, he tarahiti matauranga, te mana tarahiti ki ngā kareti o Hukarere me Te Aute.

Ko tā Robin Hapi, Heamana of Poari Te Aute, " Ehare no te kāwantanga no te Hāhi Mihinare anake, kei a ratou hoki te mana katoa hei whakahaere ngā pūtea o te hahi katoa."

Ko te putake o ngā raruraru a putea o Te Aute I pupū ake I te tau tekau ma ono o tera rau tau.

I wehewehengia e te poari o Te Aute ōna whenua tuku iho, ki ētahi wāhi whenua rua tekau ma toru pakupaku iho, hei mea rēti ki ngā kaipamu.

Heoi, ahakoa I piki ake te wāriu o te whenua, kaore I taurite ai ngā pūtea kua riro ki a rātou ki ēra rēti o taua wa.

Engari i tēnei wā, e anga whakamua ana te poari, a ko te tūranga o Hato Hoani ka arotakengia hei ngā tau e toru, me te aha, kua whakaritea he tikanga hei tiaki i ngā rawa o Ngāti Whatu i Āpiti, nā rātou te whenua o te kura me ngā whenua pāmu, i tākoha.

Ko tā Hapi, “Kei a ratou hoki ngā pukenga hei tautaoko hei awhina i a matou o te poari o te atue.”

Mā tēnei pūtea awhina, e taea ai e Hukarere te whakatū ano i to rātou whare karakia, he mea turaki i te tau rua mano ma toru, a kua tekau tau e noho mokemoke ana ki roto i enei paepae kaipuke.