Kaupapa: Mining

He poroteehi kua puea ake i te whakaaetanga keri kohinu ki Tūranga

Aroha Treacher

Atete ana te iwi o Ngā Ariki Kaiputahi me ana kaitaunaki, ki ngā pānga ka puta mai i te mahi rapu keri i to rātou turangawaewae.

I te tau rua mano tekau ma tahi, i tutaki atu a Tag Oil ki te iwi, heoi, mai i taua wa, kotahi noa te wa i hui tahi rātou. Ki ta te iwi, ngoikore te whakawhiti korero ki a rātou mo tēnei take whakahirahira.

I whakāetia rātou te keri puna, he toru mano mita neke atu te hohonutanga, i Kanakanaia, he rima tekau kiromita kei waho o Turanga.

Ki ta te kaunihera a rohe o Turanga, i whakaaetia e rātou ngā tono, na runga i te whakāro kaore he tino kino ngā raru ki a Papatuanuku.

Na reira, kihai ratou i whakamohio atu ki te marea, he aha te aha.

I tera tau, i tukuna atu e te iwi, he mahere a-iwi ki te kaunihera, kia marama ai rātou ki ngā nawe me ngā awangawanga a te iwi mo te taiao.