He poroporoāki pouri rawa

Ko tā ngā pirihimana, ka toru marama neke atu te roa o ngā  whakatewhatewhanga. Tērā tērā, i te rangi nei, i whakakao atu te whānau pani me ō rātou hoa hoki ki te poroporoaki i ngā tamariki mau aroha nui nei.

Tēnei te kukume o Araparera Marae i nga tupāpaku o Cheyeene Hemana rātou ko ana iramutu, ko Moashon Harrison, ko Mananui Harrison

Me te rahi hoki o te tangata kua tae atu ki te tangi. Ahakoa horekau te whānau i hiahia te kōrero a kāmera mai i te rangi nei,

I whakaae kia kapohia ai a Te Kāea nga whakaahua e whakamarama ai nga whakaaro kua pā ki tēnei whānau.

Me tā te whānau pani e mea ana 'He mea ka taea te poke te tangata, ahakoa ko wai'

Kua kohia ē ngā pirihimana nga tohu rangahau o te rori ēngari ehara i te mea ka tāea ē rātou te whakatau nō wai te hē.

He maha ngā huarahi, ā, e whēke nei ngā pirihimana te whai whakautu, kia mutu te aromatawai a ngā pirihimana i ngā āhuatanga tukinga waka, ka tukuna o rātou whakapae ki te kaitirotiro tūpapaku.

E ai ki ngā pirihimana, e hia ngā haora i pau i a rātou e whakatewhatewha ana i tēnei aitua nui, a, e whakapaetia ana ka oti te ripoata e hāngai ana ki te tukinga Waka i mate ai te tokotoru a nga marama e heke mai nei.

Kairīpoata: Heeni Brown.