He po whakanui i ngā kaiwaiata Māori

Aroha Treacher

He po tenei i piataata mai ai nga tino pumanawa o te ao puoro Māori.

I riro i te kaiwhakangahau huri i te ao i a Toni Huata, te tohu Best Maori pop album mo te wa tuatahi, mo tana kopae Hopukia

He tekau ma ono te hunga i eke ki nga whiringa matua i nga wahanga e iwa. Ko Maisey Rika i kapo ake i nga tohu e rima, mo te kopae taketake, te tito waiata Māori, te kaiwaiata wahine autaia, te waiata maori autaia, me tana kirita mo Tangaroa Whakamautai.

Mo te wa tuatahi i tona toru tekau tau, i whakangahau tahi te roopu Golden Harvest, tera i whakaarihia i te kiriata Mt Zion. I riro hoki i a ratou te tohu Music Industry mo a ratou tutukihanga nui i nga tau whitu tekau.

I ngā wahanga motuhake, i whakanuia a Ngamoni Huata, mo tana upoko pakaru i te ao whakangahau.

I timata enei tohu i te tau rua mano ma waru, a ko te hiahia inaianei, kia whakaturia tetahi kahui kaiwaiata Maori rangatira hei tera tau.