Kaupapa: ANZAC

He pikinga i te maunga o Chunuk Bair hei whakahōnore i ngā hōia

Taroi Black

E iwa tekau mā rua ngā tau o tētahi o te rua mano tāngata, neke atu o Aotearoa, i puta ki te makariri o te pō, i piki hoki ki ngā teiteitanga o maunga Chunuk Bair i roto o Turkey, ki te whakahōnore i te raukakai o ngā hoia o Te Hokowhitu o Te Whanganui-a-Tara i piki i taua maunga i ngā tau kotahi rau ki muri.

Nā te ope nei, te maunga nei i whakaeke, ā, ka puritia e rātou mō ngā rā e rua.   

Ko te hunga o Aotearoa me Ahitereiria tērā i kake atu ki te tihi, he parekura nui hoki i konei he kotahi rau tau ki muri. 

I whai tēnei hunga i ngā hīkoitanga o ngā hōia whitu rau ono tekau o te hokowhitu o Te Whanganui a Tara i te pakanga tuatahi..  

Ko te pakanga mō Chunuk Bair tētahi o ngā whawhai nui.  I te otinga ake, whitu tekau ngā hōia i ora.

Whai muri i te pānuitanga o Pirimia John Key,  i pānui reta a Prince Harry mai o tētahi hōia, he reta i tuhi i te tekau mā whitu o Here-turi-koka, i te tau kotahi mano iwa rau tekau mā rima.    

I puta hoki te tangi whakamutunga mai i tēnei taonga pūoro, he taonga mai i te pakanga tuatahi, kātahi ka tau katoa te wāhi mō te kotahi mēneti.