Kaupapa: Indigenous

He pakirēhua ā-motu e kōkiritia ana a Kānata mo te rironga o ngā wāhine mana whenua e hia rau nei te maha

He pakirehua ā-motu te kōkiritia e te kāwanatanga o Kānata mō te rironga me te kōhurutanga o ngā wāhine iwi taketake e hia rau nei te maha, nō taua whenua. 

He whakatau nā te Pirimia hou nā Justin Trudeau i whakaoati, hei whakatenatena i te whanaungatanga ki ngā mana whenua. 

Tūturu ana, ko te kupu me te tū pakipaki o te marea te hua.

Ko aua kupu e whakatuwhera ana I tētahi tirohanga ā motu ki te ngarohanga me te kōhurutanga o ngā wāhine, ngā kōtiro taketake o Kānata.

Koinei tā Pirimia a Justin Trudeau, te mea tuatahi ki te kauwhau ki huinga mō ngā rangatira iwi taketake, i Québec, hei rangahau i ngā wāhine mana whenua kotahi mano rua rau, kua tūkinotia pēnei ana i ngā toru tekau tau kua hori.  Kei te tautokohia e te rangatira o te motu.

E hia ngā tau ngā kaikōkiri, ngā rangatira ā iwi me ngā whānau e karanga pēnei ana.

Otira, i ahu mai i ngā whānau o ngā wāhine patunga, nā te kaikōhuru a Robert Pickton

Ki tā tētahi o ngā mātua o tētahi o ngā patunga o Pickton kua roa raw ate wā e pakanga ana ia kia āta tiro atu te kāwanatanga ki te kōhurutanga o tana kōtiro, inā kua mana tōna whāinga inaianei.

E rangirua ana ngā whakaaro o ētehi atu, pēnei i te whaea kēkē a Tanya Nepinak i rironga atu.

Hei ngā marama e rua e tū mai nei, ka kōrerorero atu te kāwanatanga ki ngā whānau me ngā rangatira iwi taketake, mō te rangahau, me te whakatū i tētehi whārangi ipurangi mā ngā whānau me te motu katoa.

Ki tā te Minita o ngā take Ture, ki tā Jody Wilson-Raybould e kore e tāea te whakatau katoa I te mamae o ngā whanau kua ngaro I a rātou tāonga, heoi ki tāna ma konei pea ka taea te whakakore I ngā āhuatanga pēnei a ngā tau e tū mai nei.

Ki tā Pirimia Trudeau me whai tika mo ngā patunga o ēnei mahi hara, mo ā ratou whanau hoki, ko tāna mā te mahi tahi ka tāea pea te whai mōhiotanga kia tāea te āta tiaki I ngā wāhine katoa.

Ā tērā tau, ka puta ngā whakaritenga tuarua mō tētehi uiuitanga ā-motu hei te wā o tō rātou kōanga.