He nui ngā painga o te pae ipurangi Free Fish Heads

Dean Nathan
He kaupapa i pupū ake i te takariri ki te moumou kai a te tangata.  
 
E  rua tau kua pahure nō te whakarewahanga o te pae ipurangi Free Fish Heads, ā,  e mea ana ngā kaikōkiri arā atu anō ngā painga o te kaupapa kei te kitea. 
 
Me rēhita noa kia hono atu ki te rārangi o ngā kaihī ika e whiwhi ai ngā tāngata mate kai pero ika.
 
E rua tau kua pahure iaianei ara atu anō ngā hua ma te rima mano tangata e rehita ana i te kore maumau kai.
 
Mai raano ko te pero ika he kai rangatira ki te Māori, ā, ko te wāhanga tuatahi o te ika hei kai mā rātou.
 
E kore au e ngotengote i ngā kanohi o tēnei ika hei mātakitakitanga mā koutou engari ko te ahua nei, kei te mārama haere o ngā iwi o te wā kainga nei, haunga anō ngā korepe o te ika engari ko ngā pero me ngā hawa me te tinana tae atu ki ngā wheua he kai katoa enei.
 
Ahakoa haere ki te hī noho rānei ki te kainga, mā tēnei kaupapa e taea tonu te tangata te rongo i te reka o tēnei kai rangatira horekau hoki he kore utu.