He ngaronga nui mo Te Uri o Hau i te matenga o Tapihana Shelford

He Apotoro Rehita no te haahi Rātana mā te iwi morehu o Otamatea i Maungaturoto, ko Tapihana Shelford tera o Te Uri o Hau, ka riro i te ringa kaha o Aituā i ngā haora moata o tenei ata. Koia tera i arahi i te pakanga mo ngā kereme tiriti a tōna iwi, koia ano te heamana o te rōpu manaaki o Te Rau Aroha, ā ara noa atu ngā tutukihanga nui āna i roto i ngā tau.

Ko tētahi mahi nui i ngakaunuitia e Tapihana Shelford ko te pakanga mo ngā whenua me ngā tikanga ki ngā whenua, na kona ia i tohua ai hei māngai whiriwhiri mo ngā kereme a Te Uri o Hau, ki wāenga i te Karauna.

E wha tekau ma iwa  tau te pakeke o Tapihana iaia i hinga nei, he Apotoro Rēhita no te Hāhi Rātana, ä ahakoa tona nei matenga, ko ngä mahi i oti iaia i roto i töna oranga, kei te mihitia te whanau.

Hei tēnei pō ka mauria te tūpāpaku ki tōna marae a Otamatea ā ki reira ka whiriwhirihia e te whanau he rā e tukua ai ta rātou rangatira ki te koopu o te whenua.