Kaupapa: Rio Olympics 2016

He mētara koura te hua mo Lisa Carrington

Ko Lisa Carrington o Te Aitanga a Māhaki me Ngāti Porou tērā kua eke ki ngā taumata ikeike ki ngā Orimipia i Rio, inā he mētara koura te hua o tōna kaha.

I puta moata te ihu o Carrington no te timatanga o te rēhi, i oti i ā ia i te 39.964 hēkona.

Hēoi ahakoa tōna kaha, i reira ngā kaihoe no whenua kē i te kaha whaiwhai i ā ia, ko tētahi ko te kaitoa i te mētara hiriwa ara ko Marta Walczykiewicz no te whenua o Poland he 40.279 hekona te roa, me te kaitoa i te mētara rauwhero ko Inna Osypenko-no Azerbaijan he 40.401 hēkona tōna roa. 

Hei tuku honore nui ki ā ia i tū mai te whānau me ngā hoa o Carrington ki te haka mōnā i te wā i whakawhiwhia e ia tōna mētara. 

Nā whai ano e pūmau tonu ana a Carrington i tōna taitara toa ki ngā whakataetae Orimipia nā tōna whiwhi mētara kōura i ngā taumāhekeheke o te tau 2012 i Rānana. Hei tāpiri ki taua hōnore kei i a ia hoki ētahi atu taitara o te ao. 

Ko te wero kei mua tonu i te aroaro o Carrington ko te rēhi K1 500m.

Ki ngā mahi waka rā i whiwhi mētara rauwhero a Sam Meech mo Aotearoa.

Tekau ngā mētara kei i a Aotearoa inaianei.

Koura - 3

Hiriwa - 6

Rauwhero - 1