He mahi whakahonore i ngā hoia morehu ki Malaysia

Heeni Brown

He morehu hoia nō Aotearoa kua hoki ki Malaysia, ki reira hoki mahara atu ai ki te wā e mahi hoia ana i ngā tau iwa tekau, ā, he whakamahara anō hoki ki ngā hōia i hinga atu i reira.

He tuatahitanga, te hura kōhatu nei hei tohu whakamahara i ngā whakapau kaha o Aotearoa ki ngā tūtū puehu o Malaysia mai i te tau ono tekau mā whā ki te ono tekau mā ono. 

Rua tekau mā whitu ngā hoia mōrehu o Aotearoa kei te tira haere ki Malaysia. Tēnei kaupapa i Heroes Memorial Park ki Kuching i te 29 o Akuhata, he mea whakakaha ake i te hononga o Aotearoa ki a Malaysia.

Hei tāpiri atu, e ai tā Tākuta John Subritzky te kaikomihana o Aotearoa ki Malaysia, aianei ake ka whakahokia ngā kōiwi o ngā hoia i hinga ki ngā pakanga o Malaysia ki te wā kainga, ki Aotearoa nei.