He mahi tūkino te mahi i a rā ki Whīti

Ko te whakarere atu i te mana whakatuanui o Whīti te take i whakawhiti mai ai a Nik Naidu rāua ko tōna hoa rangatira ki Aotearoa nei, noho ai.

Ko tāna “he pai noa atu te oranga o tōna whānau ki konei, ko te mea pai arwa atu ko te mana o te tangata.”

Nā te nui o ngā aupēhitanga ki te hunga o Whīti i raro i ngā whakahaere o Frank Bainimarama, kua iti iho tō rātou rangatiratanga, mana tangata hoki, ā, e noho mataku ana.

Ko tā Naidu “mena ka noho mū te tangata ka whai hāere hoki i ngā tohu o te te hunga pupuri mana ka tau teō noho, heoi mēna ka kōrero koe hē kino rawa atu te utu.”

He whakakitenga tēnei o tētahi tokorua i tūkinotia, i raweketia hoki e ngā mana whakahaere.  Ko te whakapae, he mauhere whakarere i hopukia anō.

Kāore a Naidu i te ohorere ki tēnei whakakitenga.  Ko tāna, mai anō tēnei tikanga tūkino i ngā whare herehere, a ngā pirihimana hoki.

Ko tā Naidu “Ehara tēra i te ahuatanga hōu”, ko tāna ano “tokomaha ngā tangata ka kohi ake i ngā tiriti kā heria ki te whare herehere ka tukinohia ka patua rānei.”

E whakatewhatewhangia ana tēnei take e ngā pirihimana o Whīti.  Ā, nā tēnei putanga kōrero a Nik, ka mauherea pea ā ia i tana hokinga atu ki Whīti.  Heoi, e tū maia ana, ahakoa tūpono pākia pea ia e te raru.

Kairīpoata:  Aroha Treacher