Kaupapa: Kapa Haka

He mahi haka me te hāngi mā Wheao Harry

Taroi Black

He tuatahi mō te kāhui ariki o Ingarangi i te rā nei, ko te tū a tō rātou uri, a Wheao Harry ki te haka i tāna toronga atu ki te hopuni tauā o Linton, ki Te Papaioea i te ata nei. 

He rā kī ana i ngā mahi ahurea mōna.  Tua atu i te mahi haka, i mahi hāngi hoki te uri tuarima nei ki te torona tapu.

I eke te wā ki a Prince Harry. Kotahi atu ki te mura o te ahi rerekē nei.

He raro nui, i tāria nuitia e te motu, ko te ako a tētahi mema o te kāhui ariki ki te haka.  Anō nei he Māori, ka rua tekau mēneti noa te wā ako me Haihana Matua Brent Pene, kātahi ka tū.

Ehara a Prince Harry i te tauhou ki te Ope Kātua, ā, ināianei kua kore hoki ia e tauhou ki te haka.

Mutu tonu atu, he ara kē te takahi mā te Pirihimana.  Heoi tōmua atu, nā te rōpū o Kairanga a ia i rāhiri ki Linton Puni.

Ka mutu, ka kore te hui e Māori ki te kore he hangi. Nā wai i ringawero, ka ringa raupā i te rua hangi me ngā apataki a te Ope Kātua.