Kaupapa: Teina Pora

He māharahara tonu mō te hāmenetanga a Teina Pora

Kei te puke ngā māharahara mō te hāmene e tāiri nei i a Teina Pora.

I hāmenetia a ia i tētahi tōaitanga whakawā i te tau rua mano, mō te pāwheratanga me te kōhurutanga o Susan Burdett, ā, ahakoa āna tini tono pīra, tē tutuki.

I tukua atu he Tono Atawhai i te tau rua mano tekau mā tahi, hēoi kāore i oti. E rapu whakamāherehere ana te Minita Take Ture a Judith Collins whai muri i te wero a te roia o Pora kia whai tirohanga hōu.