He maha ngā āhuatanga me panoni hei whakapiki i ngā tatauranga mahi

Kua piki ake te tokomaha o te hunga kore mahi, me te hunga turanga tiitengi te kii a tetahi rangahau i whakarewaina i te hui matua a te Kauwae Kaimahi ina tata nei.

Me te mea nei, e ai ki to ratau maangai Maori, ka kino haere nga tatauranga nei ki te noho tonu te kawanatanga o te waa hei muri iho i ngaa pootitanga a te tau e heke mai nei. Kei a Amomai Pihama te ripoata.

I te hui matua a te Kauwae Kaimahi e wetewete ana i ngaa take maha o te hunga 275 mano o tenei motu e tūhono ana ki tetahi uniana, kotahi tonu te take e whakaweri ana i te huinga

Hei tā Syd Keepa te Māngai Māori o te Kauwae Kaimahi a Motu, kaore te Kāwanatanga i te whai whakaaro ki te kaimahi o konei, heoi e aro kē ana ki ngā kaiwhakahaere pakihi kē.

Ko te ohanga tope rakau tetahi ohanga e tika ana kia āta tirohia e ngā iwi penei i ngā kohinga iwi i te puku o te ika, hei tā Syd, tee aro i aua iwi rā, te whakakaupapatanga ā mahi a ngā pakihi e whakahaere ana i aua whenua.

Ko te tikanga me aro tuatahi atu te tirohanga a te Kāwanatanga ki ngā kaupapa ka tāea te whakaoho i te mana i te wairua hoki o te hunga kei Aotearoa nei kia ora pai ai ngā whānau katoa o te motu kia kore ano hoki ratou e peka atu ki whenua kee noho ai.