Kaupapa: Rugby League

He kōrero tā tētahi kaiako o mua mō te wehenga moata o Locke i tana kapa

Nā wai i hē kātahi ka hē kē rawa atu mō te uri o Ngāpuhi, mō Kevin Locke.  He rua tekau mā ono te pakeke o te whetū riiki wenerau Māori kua hoki mai ki te wā kāinga i ngā rā e toru kua hipa.

Kua whakarērea e karapu anō i tēnei wā.  Ko tōna tuatoru i ngā marama tekau mā waru.

Hei tā Tony Kemo, he raru ā-hinengaro pea me ōna kōwhiringa.

Ko Kemp te kaiako matua o te kapa Wakefield i te tau rua mano, ā, e whā ngā tau whai muri i riro i a ia te tūranga matua ki te kapa Tamatoa.  E rua e rua ngā ahurea ngaio kua pākinotia i a Locke

E waru noa iho ngā tākaro a Locke mō tōna karapu o mohoa nei, mō te kapa Wakefield Wildcats.  I muri i tōna panatanga atu i tana wāhanga ki te tahaetanga o te motokā o te kaiako matua o te kapa, nā wai rā i tukia te motokā ki tētahi pātū i Hull, Ingarangi.

Hei tā Kemp, mēnā kei te whakarongo ia (Locke) ki ngā kōrero nei, me whai i ngā tāngata papai hei tautoko, hei taunaki i a ia.

Hei tā Kemp, ehara tēnei i te pito whakamutunga noa o te rori mō Locke, e waru ōna tākaro mā te kapa ā motu.