Kaupapa: Environment

He kiriata hōu nā Greenpeace e aro ana ki ngā mahi pāmu

Kei te hiahia a Greenpeace kia whakaaro anō te kāwanatanga ki ngā kaupapa hou mō ngā mahi pāmu. Kei tētahi kiriata nā Greenpeace arā The Regenerators ngā rongoā pea.

He rongoā tā tēnei kaipāmu atu i te tuku ranu kia tipu ai te pātītī

Hei tā Metiria Turei, he rawe ki te kite i ngā kaitiaki taiao me ngā kaipāmu.

I haere a Greenpeace ki ngā tōpito katoa o te motu ki te kōrero ki nga kaipāmu

Hei tā te kaiarotake paru, tā Nicole Masters, e ngana ana ngā kaipamu kia mahi tika, i ētahi wā kāore rātou i te mōhio me pēhea te whakaheke i te hauota.

Ko te aronga matua o te kiriata nei me taunaki te kāwanatanga i ngā kaupapa hou ki ngā mahi pāmu.

Ko te kii a Turei, he manomano ngā kaipāmu e whakaheke tōtā ki te whakapai i ngā awa.

Ko tētahi o nga raru nui ko ngā nama kāore i utua.

Ko te hiahia a Greenpeace me hāngai tōtika te kāwanatanga i ngā pūtea wha rau waru tekau miriona tāra ki te tuku wai, kau waiū hoki hei whakapakari i ngā mahi pāmu.