He kekeno kua kitea i Rūātoki

Mere McLean

Kua rere ki tai, ki uta tēnei whakaaturanga ki runga i a Pukamata, e whakaatu nei i te Kekeno e kauhoe ana ki Rūātoki, he ahua e kukume mai i ngā aronga a te hunga kāinga.

E ai ki ngā korero a Te Papa Atawhai i ahu mai te kekeno mai te puwaha o te Awa , ā, whā tekau kiromita te tawhiti atu mai kona ki roto o Rūātoki.

Ki tā Te Papa Atawhai he tane te Kekeno, kua whaia i ngā puna inanga e rere ana ki uta, ehara i te mea he tauhou te kite i te Kekeno e kauhoe ana ki uta, engari mo Te Papa Atawhai he tuatahitanga te tāenga atu o tētahi Kekeno ki Rūātoki.

Ko te whakapono kua haere te kekeno i tu atu o Waikirikiri, ko te whakatūpato mai Te Papa Atawhai kia kaua e patata ki a ia, a tōna wa ka hoki ia ki te moana.