He kaupapa hōu tā te Ope Pirihimana

E kaha kitea tonutia ana te iwi Māori i roto i ngā tatauranga mahi tūkino, otira i te pūnaha ture taihara.

Hei tā Te Ope Pirihimana, ehara i te mea, he raru ā-iwi tēnei, engari ahakoa tonu, he nui rawa ngā uri Māori e taka ana ki te hē.

I te wā nei, e whakapau kaha ana te Ope Pirihimana ki te whakaratarata i ētahi pirihimana hōu, me te tūmanako hei reira ka āta whakahekea ngā tatauranga.

He ika tauhōu e kimihia ana e Te Ope Pirihimana. 

E whakatauira ana a Dee Te Ao, i tērā e wawatatia ana.  Nā tana mārama ki te ao Māori, i hāpai ake ia i tētahi uri Māori i tata mate whakamomori.

E whā rau ngā tāngata hōu e wawatatia ana e te Ope Pirihimana i tēnei tau.  Hakoa he 15% o te hunga o Aotearoa he Māori, he 50 paihēneti o te hunga kei ngā whare herehere, he Māori. 

Puta ake ana te wero, e mea ana, e tū ki te kei o te waka, kia pākia koe e te rehutai o te wā.

E ai ki Te Ope Pirihimana, ko tana rautaki, Te Huringa o te Tai e whakaatu ana, kua eke Tangaroa rātou.