He kaupapa eke paihikara hei pakanga atu ki te raru whakamomori

Dean Nathan

Takiri mai ko te ata ka kotahi mai ngā pirihimana ngā mema kēnge mema paremata me ngā rōpū kē atu ki te rapu whakautu mō te tinirau e riro ana i te mate whakamomori.

Hei tā Mihaka ō Ngāpuhi, “Ki te kore korero me pehea kei hea kē te huarahi oranga mō rātou e noho e tata nei kit e patu I a rātou ano nei me pehea rātou.  Horekau he ringa awhi he ringa tautoko.”

Puta noa i te motu e rima rau wha tekau ma whitu ngā tangata katoa kua kohurutia ia rātou ano i roto i te tau kotahi ā tata ki te rua rau o tera hunga no tēnei rohe tonu.  Nareira te tumanako o tēnei haerenga ma runga hoiho rino kia kite ai tētahi maramatanga.

Ka torotoro haerehia ngā hapori katoa i runga i tēnei haerenga kia whakawhiti kōrero whakawhiti whakaaro mō tēnei ahuatanga.

Mai i Taitokerau ka kawea haeretia te kaupapa o 'Riders Against Teenage Suicide' ki Opotiki hei reira tukuna ai te rakau ki te iwi o Te Whakatohea.

Hei tā Mihaka, “I oho ake te wairua e oho ake te hinengaro e pa ana ki tēnei taniwha e kaha kai ana i o tatou whānau ne.  A te wa pea ka puta te maramatanga hei huarahi mō rātou e noho i raro i tēnei korowai koretake tēnei korowai mate.”