He kaumātua rangatira ka korowaitia nei ki tētahi tohu tākuta whakahōnore

Kua whakawhiwhia te kaumatua rangatira o Tauranga Moana a Morehu Ngatoko Rahipere ki te tohu Whakahōnore Tākuta, e Te Whare Wananga o Waikato, mo āna mahi rangatira i te Whare Wananga, i te rohe o Waikato, huri noa te motu.

Hei tā Te Awananuiarangi, “Harikoa rawa atu mo tō mātou Papa, tō mātou koroua, tō mātou rangatira ariki tonu nei, kite ake rā i te tokomaha o Tauranga i puta mai i te rā nei, ka nui te hari o te ngākau.”

Koia tētehi o ngā whakaihu waka o ngā kaupapa huhua a te Whare Wananga o Waikato tae atu ki te whakatūnga o Te Maharaia Winiata Research Institute.

Hei tā Tom Roa, “Tērā te hōtaka, kaupapa rangahau, kaupapa matauranga Te Kotahitanga, te karanga kia ata whakaaro mai ki ngā tikagna Māori tūturu, kia tau pai ai te tamaiti ki roto i te kura.  Ko te kaumatua rā, koira te whakaruruhau o āua mahi, hurinoa te motu.”

Otia kāore he whakaaro a te kaumatua mōna ake, engari mō tana iwi te take, me te Kingitanga

Hei tā Te Awananuiarangi Black, “Tuatahi tohu Māori nei, koia te mauri o tōna marae o Huria, he mea nui tera i te ao Māori, ahakoa hui nui, hui iti, koia tērā, ka noho ki te manaaki tōna marae.”