Kaupapa: 28th Māori Battalion

He kaponga oro e whakanui ana i Te Hokowhitu ā Tū

He onge kāmehameha, he taonga tuku iho.  Kua whakairihia ake ki te ipurangi he kaponga oro mō Te Hokowhitu ā Tū no te tau whā tekau mā toru o teera rau tau, hei kai mā taringa rahirahi.

Ko te hui whakanui i a Moana Ngaarimu, mona i whakawhiwhia ki te tohu VC tērā, otirā ko te Pirimia o te wā hoki ko Peter Fraser tērā e whakanui ana i te māia o te rua tekau mā waru.

He kohinga oro kātahi anō ka whakairihia ki te whārangi ipurangi, 28 Māori Battalion, e rangona ai te mihi a te Pirimia o te wā, a Peter Fraser, ki te Ope 28 i tō rātou hokitanga mai ki te wā kāinga i te pakanga tuarua o te ao ka tahi.

Ko ngā reo karanga, whai kōrero me ngā reo mōteatea o te hui i whakawhiwhia ai ngā mātua o te Moana Nui a Kiwa Ngarimu ki te rohu VC, ka rua, te Māori tuatahi nāna te tohu nei i whai, ā, kua whakahōungia e Sound Archives i Ōtautahi, kia pai ai te whakarongo a tini mano.

Hei whakanui hoki i te 70 tau nō taua hui rā, ka tū he rā whakanui, whakamaumahara i a Moana Ngarimu, ki tōnā papakāinga ake.