Kaupapa: Entertainment

He kāhui wāhine ka āta wetewete i ngā tautohe e pā ana ki ngā mahi tūkino whānau me Chris Brown

Kua whakaritea e te National Urban Maori Authority (NUMA) he hui pāpāho hei āta wetewete i ngā tautohe maha kua puea ake i te hiahia o Chris Brown ki te hau mai ki Aotearoa mō tētahi konohete. 

E ai ki a NUMA, tokorima ngā tai ki ngā para Māori ka tu ki te hui pāpāho ka kōrero ki ngā take e pā ana ki ngā raru tūkino whānau me Chris Brown. 

E ai ki a Tariana Turia ka tautokohia e ia te tono a Chris Brown kia hau mai ki Aotearoa, ko tana whakatau ka whakaoho ake a Brown i te tautohe me ngā kōrero e hāngai ana ki ngā mahi whakatika i te hunga patu wahine.

He whāinga tēnei i te kii a tētahi o ngā kaikōrero mo Tainui a Tukoroirangi Morgan ākene pea ka tuku pōhiri a Tainui ki a Brown mēna ka wātea ia ki te hara mai ki Aotearoa. 

Ko ngā wāhine ka tū hei mata mo NUMA ko Tā June Mariu, Tā June Jackson, Tā Iritana Tawhiwhirangi, Tureiti-Moxon me te tumu whakarae o mua o Woman's Refuge a Merepeka Raukawa-Tait.

Ka tautokohia e tētahi ope kaimahi aukati i ngā mahi tūkino whānau me ētahi kaimahi Whānau Ora ngā wāhine ka tū i te rā nei.