Kaupapa: Matariki

He ihorei o te marahea a O'Connell Rapira e hiki nei i ngā whakaaro i āna wero ki ngā mana rangatira

He ihorei o te marahea a Laura O'Connell Rapira e hiki nei i ngā whakaaro i āna wero ki ngā mana rangatira. E karangatia ana, ko ia te mata kunenga o te tū totohe.

Ā, i te kainamutanga atu ki ngā kōwhiringa pōti, kotahi tana kaupapa, ko te whakarahi ake i ngā kai-pōti rangatahi.

Ahakoa tōna rangatahi, he nui tonu tana ngau - he kōtiro e ripo haere ana i ngā kaupapa maha o te motu.

27 nga tau te pakeke o Laura O'Connell Rapira, nō Te Atiawa, Ngāpuhi hoki. He wahine e pono ana ki te whakaaro, kei te hunga rangatahi te mana ki te kawe kaupapa. 

Na ōnā maharahara mō te iti o te rangatahi e pōti ana, ka tīmata a Laura i a Rock-Enrol.

He rōpū whakaaweawe i ngā kaupapa tōrangapū ki ngā hāpori. Ki tētahi o ngā whakataetae a Rock-Enroll, i roto i ngā rangi tekau noa iho nei ka kitea te 1000 o nga rangatahi e uru atu ana ki te pōti. 

Hei tā Laura, ka puku mahi ia me tōna tīma i ngā marama kei te heke mai ki te whakareri mō te rā pōti.