He huarahi hou hei tautoko i ngā pakihi Māori

Te Kuru o te Marama Dewes

Ko Kaha Energy Solutions tētahi o ngā pakihi toru tekau e whai hua nei i tētahi huarahi hou hei whakawhanake uru-kore ka tukuna e Te Wānanga o Aotearoa, Crowe Horwath rātau ko Aotahi. Nō te rangi nei whakarewaina ake te kaupapa nei ki Waikato-Tainui, ki Hopuhopu.

Kei te whai a Kaha Energy Solutions kia kā tonu ai ngā rama o te iwi.

“In 2015, after working in the electrical industry for 20 years I decided to go out on my own, with the help of my fathers 92 truck, set of hand tools, made the big step to enter the business world,” te kī a Danny Beattie.

Toru tekau ngā pakihi Māori kua uru ki te kaupapa o Pakihi. Ko Danny Beattie tērā te Tumu o Kaha Energy Solutions e mea ana he kokenga ki mua.

“Just having the opportunity to be part of Pakihi, to surround myself with those support networks, building relationships hopefully grow my business and yeah,” te kī a Beattie.

E toru ngā peka o Pakihi, arā, ka whakahāngai i ngā whakaakoranga ki ngā reanga, mai te ōrokohanga mai o te whakaaro, ki tōna puawaitanga.

Hei tā te Minita Whakawhanake Māori a Nanaia Nanaia Mahuta, “Kia awhi kia akiaki kia aro atu ki ngā ringa tautoko, ki a rātau e hiahia ki te peke ki runga i tēnei huarahi.”

He mea tautoko nā Hīkina Whakatutuki, ko tā Mahuta he whakakotahi, he tautoko.

“Kei raro i te maru o TWO ngā wāhi mō ngā whānau kia hono ki ngā rōpū e tautoko ana i ō rātau whakaaro,” te kī a Mahuta.

He rua rau ngā pokapū mātauranga pakihi ka tū ki ngā moka puta noa i te motu.