Kaupapa: Environment

He hīkoi ki runga Pāremata te mahi a tētahi pouaru hei kawe i ngā nawe ngāhere

Kua takoto te manuka e te pouaru o tētahi kaimahi ngaherehere ki te whenua o te Whare Pāremata kia pai ake ngā ahuatanga o ngā mahi ngahere. 

E iwa ngā marama e noho a Maryanne Butler-Finlay i raro i te kapua pōuri.

Nō te matenga o tōna hoa rangatira a Charles i ngā ngahere o Tokoroa, ko tōnā hiahia kia kaua tetahi atu whānau e pehi kinotia, pērā i a ia.

E ai ki a Helen Kelly, o te Kauae Kaimahi, nō te Kāwanatanga te hē, a mā ngā ture hōu e whakatika ai.

Engari āianei nā ko ngā kaimahi pērā i a Charles ngā pārurenga o te whakaroa i te ture.

He tekau mā tahi ngā tāngata i mate i tērā tau i ngā mahinga ngahere, ā, e ai ki a Maryanne, he mahi mōrearea tena mō ngā pūtea itiiti noa iho.

Engari kāore a Charles i te ora tonu, kua mahue mai a ia tōnā hoa rangatira, me o rāua māhanga, tētahi tamaiti hoki.

Heoi ko te tūmanako, kia kaua anō tētahi tōtara nui e hinga i te Waonui a Tāne mō te kore noa iho.