He hangarau hōu ka panoni i ngā mahi hī ika mō te huamoni te whai

Wepiha Te Kanawa

He rua tekau mā ono miriona tāra kua whakangaotia e Aotearoa Fisheries, rātou ko Sanfords, ko Sealords ki ētahi hangarau hōu, me te tūmanako, ka panoni i ngā mahi hī ika mō te huamoni te whai.

Kua whakarewaina ētahi kupenga hōu, ko tōna whai kia kore ngā ika e pākinotia, ā, ko ngā ika kei ngā rahinga e tika ana anake ka hopukia.

I huraina ki te marea i tēnei rā ētahi hangarau hōu ka panoni i te ao kamupene hī ika.  Kua waihangahia ēnei kupenga hōu kia taea ai ngā ika paku me ngā ika tauiwi te hora, ā, ka tiaki i ngā ika e hiahia nei te hopu.

E ai ki a Whaimutu Dewes he oranga anō tā te hangarau hōu nei.

Engari ko wai kē e hua ai i te otinga o te rā?  E ai ki a Whaimutu ko ngā ika.