He haka whakahōnore mō Rihanna

Wepiha Te Kanawa

Hei te pō nei ko te tūnga whakamutunga a te whetū tārake a Rihanna ki Aotearoa, ā, he ope tangata kua waimarie i te whai wāhitanga atu ki te tūtaki ki te māreikura nei.

Ko Eru Wilton rāua ko Kimoro Taiepa ētahi o te hunga tokowaru ka ngahau atu i te manutīoriori nō Amerika, i mua i tāna tūnga atu ki te papa whakangahau a te pō nei.

Ā, he taunga kē ēnei ki te haka ki te hunga rongonui.  Ina noa nei rātou ka haka i te konohete a te rōpū Fall Out Boy.

Hei tērā wiki tau mai ai tētahi manutioriori rongonui anō, a Beyounce, ā, he koingo nui nō te manawa kia whai wāhi atu te hunga nei ki te taurima i a ia.  Hēoi mō te wā nei, ko te tōai i ngā ā-ringa kia wana mai ai te tū, mō Rihanna te mahi.