He haka motuhake mō Rihanna

Wepiha Te Kanawa

He whakangahau miharo nā te kaiwaiata rongonui nā Rihanna ki āna kaitautoko e hia mano nei, i te konohete whakamutunga i Vector Arena ināpō, ā i muri ake i te papatūwaewae i whai wāhi a Te Kāea ki te tūtaki ā-tinana atu ki a ia.

Neke atu i te whā tekau ngā kaimahi o Vector me ngā kaihaka tokoiwa i tauākī i te uri rirerire o Barbados i roto tonu i te wairua Māori.

Ā ko tā mātou karere a Wepiha Te Kanawa tētahi o aua kaihaka waimarie.

Humārie ana a Rihanna ki te kite-ā-kanohi i ngā rawa o te ahurea Māori.

Ko tā Tia Barrett te kai hopu whakaahua o te kaupapa i te kitea e ia te tino ohorere me te manawarū o te whetu kaiwaiata nei i tona kitenga i te tū o ngā kaihaka.

Ahakoa tē taea ngā kaihaka te karo i tā rātou whakaongaongatanga, he marama te kite i te whakaongaonga o Rihanna.

Ko tā tētahi o ngā kaiwhakaari ko Aron Henare, i te timatanga te haka  ka rere te wairua,ka oho mai te wairua. I te mutunga o tena ka rere ana te mauri.

Ko te wā i tāria ai ngā tane, ko te mutunga o te haka, me te okenga a tēnā me tēnā kia riro ai ki te kihi a te wahine pūrotu nei.

Ko tā Henare, i whai wāhi etahi o ngā kaihaka ki te hongi i a Rihanna.

He rongonui a Rihanna mo tāna wairua hahaki me tana kawenga i ngā ahuatanga no iwi taketake.He whakangahau miharo 

No reira ko wai ka mohio tērā pea ka whakauru te uri no Barbados nei i ētahi ahuatanga Māori ki roto i āna kiriata waiata.He