Kaupapa: Education

He haerenga-ā-kura ki Rarotonga, $250,000 te utu

updated Wepiha Te Kanawa

He akonga, he kaimahi, he kaitiaki nō Hoani Waititi i tae atu ki Rarotonga. Ko te kaupapa, he kīnaki i ngā akoranga o Te Aho Matua.

Hei tā te Heamana o te Poari o Hoani Waititi, hei tā Mahanga Pihama, "Me kōrero horopaki, inā te whānuitanga o ngā kōrero kāore i tāpirihia e rātou i tēnā pūrongo Hoani Waititi kātahi, kārua ngā āhuatanga i wheakohia e ngā ākonga o Waititi mō tēnā o ngā haerenga mahue katoa ia rātou ēnā kōrero, kāore i tāpirihia ēnā kōrero. Nō reira deficit ae, engari i reira te pūtea."

Tata ki te whā rau mano tāra te utu, he rima tekau mano tāra i penapenahia e te kura, waru tekau mano tāra i tākohangia e ngā whānau, ā, tata ki te rua rau rima teka tāra i utua e te kura.

Hei tā Pihama, "Tuatahi i reira te pūtea, he pūtea i penapenahia. Mehemea i mahi maminga a Waititi, ā, kua raru mātou, kua āwangawanga, kua māharahara, heoi anō kaore i pērā e pai ana a Waititi."

E whakaae ana te Heamana o Ngā Kura Kaupapa a Cathy Dewes e raru ana ētahi kura ki te taha pūtea, ā, e whiwhi tautoko ana rātou.

Ko tāna, "Kei a tātou he kāwanataga hou."

Ināianei e wānangahia ana ngā tohutohu e te Tāhuhu o te Mātauranga.