He āwangawanga te kimi whare māmā te utu

Aroha Treacher

Nā te nui o te utu o ngā kainga, kei te noho ētahi whānau i ngā kainga hakurara, a, kei te noho kainga kore rānei.

Ka mutu, kei te kohukohu te ara whakamua mā ngā whānau e whai kainga ana nā te taumaha rawa o ngā tikanga here o te kawantanga.

Koirā tā Kevin Swannell o te rōpū Limitless Hope, me tāna, ko tētahi āhuatanga e kaha kitea ana i waenga i te hunga kāinga-kore ko te ngau kino o te pāmamae, ka pāmamaetia ana, he kōtititanga i te ara o te tika te whai ake.

Kua kite ake a Kevin raua ko Kiri Swannel i roto i ā rāua nei mahi, ngā tumomo āhuatanga e whakataumaha ana i te iwi, pēnei i te noho ki rō tēneti, whare wīra, motoka hoki.

Ko tā Kiri, mō te hunga whiwhi penihana, kei runga noa te utu mō ngā whare, ā, inā te iti o te penihana ka pau te penihana ki te utu whare, hei aha noaiho te hoko kai.

Ko tā te mema o te rōpū Reipa tā Meka Whaitiri, nā te taumaha o ngā tikanga here tē tāea e ngā whānau te whai kāinga.

Hei tā te kaiārahi takirua o te Pāti Māori, tā Marama Fox, “Me āta whakaaro te kāwanatanga ki te tautoko i te whānau, kaua kia taumaha ngā ture kia kia whai whare mahana te tangata.”