Kaupapa: Teina Pora

He arotake motuhake mō te kēhi o Teina Pora

He takahanga i te whakahaerenga ture.

Koirā te whakatītina a te tōpūranga o ngā Pirihimana o Aotearoa, ki te noho mauhere tonu a Teina Pora me te kōhurutanga o Susan Burdette. 

Nā te Perehitini o te tōpūranga o ngā Pirihimana, nā Greg O’Connor te kii, kahore e tino tau nei ngā wairua o ētahi pirihimana ki te noho mauhere tonu a Pora, nō reira, me whakahaere hoki he arotake motuhake.

E rangirua ana ētahi o ngā kaimahi pirihimana i reira, i te wā i herea a Teina Pora e te ture, mō te kōhurutanga i a Susan Burdette, tae noa ki ētahi pirihimana e kawe nei i a rātou mahi i tēnei wa.

Kua puta hoki ngā whakatenatena a te Pāti Māori me te Rōpū Reipa kia whakahaeretia he Arotake Motuhake e pā ana ki tēnei kaupapa. 

Heoi, kātahi anō a Te Kāea ka kōrero ki a Johnathan Krebs, te roia a Teina Pora, kia whai noa i ōna whakaaro e pā ana, ki tēnei whakatītina nā te topuranga pirihimana o Aotearoa, me te kōrero a te Perehitini a Greg O'Connor e pā ana ki a Teina Pora.