Kaupapa: Kapa Haka

He ara whakahirahira kei tua o te awe māpara mā Te Mana Kuratahi

Wepiha Te Kanawa

Ko Te Mana Kuratahi i tēnei tau ko te mutunga tonu mai, e hia kē mano ngā tāngata i toro atu ki ngā whakapāhotanga ā-tihi mā runga ipurangi.

E ai ki a Paora Brosnan he tauhou ki ngā mahi kaiwhakawā ko te āhua o ngā kapa he tohu ora.

“Mīharo rā katoa te kounga o tēnei tau, me te mōhio anō ngā kaiako o ngā rōpū he rangatahi tonu.  Nā reira ko te rangatahi e ako ana i te rangatahi.  Me te whakaaro anō kua pēnei nā te teitei me te kounga o tēnei whakataetae, kua koa rā katou mātou ngā kaiwhakawā mō te apōpō te eke mai nei.”

Ā, koinei te whakatipuranga o apōpō.  Tēnā tūtaki mai ki ngā teina o te whakataetae nō Te Kura Mana Māori o Whangaparāoa.  Inā tata nei oti ai ēnei kaihaka pakupaku i te Kōhanga Reo.  Te kapa tuatahi o te rā, me ngana rātou ki te whakaratarata i ngā kaiwhakawā.

Hei tā Rawiri Wright, “I te kōhanga reo i te timatanga o te tau nei, toru wiki kua hipa ake i kuhu ake ki te kura, no reira kei te waimarie mātou.  Koinā hoki tā mātou hiahia kia tū tamariki te rōpū nei, ētahi o ngā rōpū tū pakeke, engari ko ngā whakataetae pēnei kia kite i te hunga mātakitaki, ngā kaiwhakawā he tū ānō te tū a ngā tamariki, ā, koira tā mātou hiahia i te rā nei.”

Kua tīmata kē ngā mahi whakarite mō te whakataetae Mana Kuratahi a te tau rua mano tekau mā whitu, ka tū ki Tūranganui.