Kaupapa: Crime

He ara reo Māori kua tukuna atu ki ētahi mauhere mōrearea

Aroha Treacher

Kāore i kitea he hōtaka Te Reo Māori metemea anō he pōtaetanga ki rō whare herehere mō ngā mauhere mōrearea.

I te tīmatatanga horekau ō rātou reo Māori, nā i tēnei rā tokowhitu o rātou ka whiwhi tohu Māori mai i Te Aho a Māui.

Hei tā kaiako, Tipene Rangihuna, “Tū whakahīhī, tū tangiweto, ae tū whakahīhī, ehara mōku, mō rātou, mō rātou whānau mō rātou iwi katoa.”

Hēoi, i whakaatuahia e rātou ngā pūkenga kua ako ia rā i ngā marama e toru.

Koinei te tau tuatahi i whakahaerehia tēnei kaupapa mā ngā mauhere mōrearea, he tekau mā waru katoa i whakapōtaetia i tēnei tau noa. I poroporoakitia ngā tamatāne e ngā whānau, ā, e tūmanakohia ana mā tō rātou tirohanga hōu e tau ai te noho ki waho whare herehere.