Financial assistance on the way for Havelock North

Aroha Treacher

~~He āwhina kei te haere ki ngā pakihi e ngaua ana e te pokenga wai ki Maungawharau, i Te Matau-a-Maui. He mate kua pokea te whā mano tāngata neke atu e te mate ngau puku.

He wiki taikaha rawa atu mō te iwi kainga me ngā pakihi i Maungawharau.

Hei tā te Minita Take Houora Jonathan Coleman, “ The Ministry of Social Development has announced that emergency assistance payments will be available to those who have found their employment affected during this whole episode.”

Otira, ka tuku koha atu te Kaunihera ā Rohe o Heretaunga i te 10,000 taara ki te rōpū pakihi o reira.

E ai ki te koromatua o Hastings ko Lawrence Yule, “We know that proving the cause of this might take some months, so we're saying actually we need to do something now this is where the loss is being suffered.”

Kei te takiwā o ngā tāngata 4000 e noho pōkaikaha ana nā te tāhawahawa o te wai i taua hapori i māuiui ai rātou.

E ai ki ngā whakataunga i mate tētahi kuia, e 89 ngā tau, nāna i pā ki te paitni campylobacter, engari e huhua anō āna matenga hauora.

Hei tā Jonathan Coleman,”We've got to make sure this never happens again so that will be covered fully into the inquiry and it's very important that people have confidence in the drinking water.”

Kei te tiro hōmiromiro atu te kāwanatanga ki ngā take katoa o te raru nei, i tēnei wā kei te haere tonu ngā whakamātautau kia mārama ai he aha ai i hua ake taua raru.