Kaupapa: France

Ehara nō te hāhi te hē, te kii a tētahi pononga Ihirama Māori

E ai ki te kāiārahi o NZ First, a Winston Peters, he raru ā-ao ngā mahi āpititū i kitea ki Parī, ā, me noho whakatonu ngā iwi o Aotearoa.

E ai ki ngā rīpoata, nā te rōpū o Isis ngā mahi nei, engari e ai ki tētahi uri Māori e whai ana i te hāhi Ihirama, taihoa e whakahē i te hāhi.

Hei tā ngā rīpoata, i pā anō te mamae ki a ISIS, nā te tuku a Wiwī i te haupatu waka rererangi ki Syria.  E ai ki te kāiārahi o NZ First, a Winston Peters, me mataara a Aotearoa.

I mahi a David Shearer ki te Rāwhiti o te Ao mo ngā tau e whitu heoi e whakapono ana ia kei te pai kē ngā whakamarumaru i konei.

He kōrero whakatūpato tā Shearer kia kaua e whakatuaki i te hunga whai i te hāhi Ihirama, ngā mānene o Syria rānei.  E tautoko ana a Hikairo i tērā.

Mō te wā nei, kei raro kē ngā mahi whakatuma i Aotearoa, engari i te pakanga e pupū ana i te Rāwhiti, he take nui pea ka āta wherawhera i te whare Pāremata hei ngā marama e haere ake nei.