Kaupapa: Parekura Horomia

E whakarite ana a Uawa mō te tāenga atu o te marea

Ko te āhua nei he tokoiti ngā tāngata i konei i tēnei wā, heoi ka rerekē hei te roanga o te wiki.  Ka tau mai te tūpāpaku o Parekura hei te haurua i te iwa i te ata o te Rāapa, ka takoto tae noa atu ki te ata o te Rāhoroi.

He kanohi kitea a Parekura, he tangata i kaha taetae atu ki ngā momo hui i waenga i tōna iwi, i a Ngāi Māori whānui hoki.

He kanohi kitea a Parekura, ehara i te mea ki ngā marae o te motu, ki ngā tangihanga, ki ngā hui, hui whutupōro, nā reira mō te hoki mai ki te kāinga, ko ia tētahi hei whakatā i tana manawa.

Ko Essie Keelan tētahi anō i noho tata ki a Parekura, he whāea i tautoko i āna tū ki ngā kōwhiringa nui mai rāno i tōna noho tuatahi ki te tūru o Te Ikaroa-Rāwhiti i te tau kotahi mano iwa rau iwa tekau ma iwa.

Hei tāna, he ngarohanga nui tēnei mō te Tai Rāwhiti.