Kaupapa: Health

E whakarite ana ngā hōhipera nunui o te motu mō te ngārara Ebola

E takatū ana ngā hōhipera nunui o te motu i te pikinga o ngā tatau o te hunga kua mate i te ngārara Ebola. 

Nōna tata nei puta ngā whika i te World Health Organisation e mea ana e tata atu ana ki te whā mano e rima rau ngā tūpāpaku kua hua ake i te ringa weriweri o tēnei mate i ōroko mai ai i te Uru o Awherika, tōna rua marama ki muri nei.

He tiro hōmiromiro te mahi a te Minita Take Hauora i te aheinga o Aotearoa ki te whakaārai i a tātou anō i te pātanga mai o te mate Ebola e tupu kōwao ana i ngā whenua e toru ki Awherika.

Ahakoa kāore anō tetahi kia mate i te ngārara Ebola i konei, kua tīmata te puta o ētahi tohu mate i ētahi atu whenua taipū.

He kirikā te tino o ngā tohu mate o te ngārara Ebola, me he tangata kua hoki mai i whenua kē, kua whai wāhi atu ki ngā wāhi kua pākia e tēnei mate, me wawe te whakapā atu ki ngā ratonga ohotata.