E whakanui ana te mana rangatahi i te kaupapa rangatahi a te Pirimia

Wepiha Te Kanawa

Kotahi rau ngā rangatahi i kōwhiria ki tētahi rōpū akiaki i te hunga rangatahi o te Pirimia, he rōpū e aro ana kia puawai i te māiatanga o te hunga taiohi.

I tēnei tau i whai wāhi te tohunga whutupōro a Tyla Nathan-Wong i āna wheako me tētahi huinga wāhine ki tētahi hākari, e toru ngā wāhanga.

He tauhou i te pō, he tautata i te ata. Ko te kai a te rangatira he kōrero, engari ko te kai a ēnei toa wāhine he kai hauora.

Ko tā Jackie Cherrington o te Turn Your Life Around Youth Development Trust (TYLA)  i te timatanga, kāore ngā wāhine i mōhio ki a rātou ano, i tēnei rā, nā te kai i whakakotahi ai. Ka kai ana, ka kōrero, ānō nei he whānau.

Kei ia o ēnei nō te kaupapa akiaki rangatahi o te Pirimia ōna ake wheako rerekē, ā, hūmarie katoa ana a Zahia Zambucka i tēnei āhuatanga.

Ko tāna, he hōnore nui, kāore ia i te whakapono ka whai wāhi ki tēnei momo āhuatanga. Wehi nā!.

Nā rātou katoa tēnei kai, e toru horanga te nui, i whakarite ki Te Wānanga Aronui o Tāmaki Makaurau, ā, i toro hoki rātou ki te whetu maiangi whutupōro a Tyla Nathan-Wong.

Ko tā Tyla Nathan-Wong, Ko te whakatauira atu ki ngā wāwepiha.hine kāua e waiho ma te waewae tutuki engari ma te upoko pakaru. Kei ia tāngata tōna ake wawata, i te mutunga o te rā mā tō rātou hiakai e ea ai ngā mahi.

Ko tā, Jackie Cherrington e hiahia ana ētahi o ngā wāhine ki te whai i te mahi o te roia, nō reira ko tā mātou he whakarite ara.

Ka haere tonu tēnei kaupapa mo te katoa o tēnei wiki, ā, hei te rāpare ka tū tētahi pō hākari ki te taha o te minita take rangatahi a Nikki Kaye.