E whakahokia mai ana ngā mokomōkai ki Aotearoa i Amerika

Te Kāea

Neke atu i te kotahi rau ngā kōiwi Māori me ngā kōiwi Moriori e whakahokia mai ana ki Aotearoa i te whenua o Amerika.

O ngā kōiwi ka whakahokia mai, e toru tekau mā rima ngā toi moko, e rua ngā moko kūwhā, e rua tekau mā whā ngā kōiwi tangata Moriori, ā, e whā tekau mā ono ngā kōiwi tāngata Māori.

I ahu mai ngā kōiwi rā i te rau tau tekau mā waru ki te tekau mā iwa, i te wā e kaha hokohokongia ana, ko ngā kōiwi iwi taketake.

He whakahokitanga tēnei i whakaaetia i waenga i Te Whare Pupuri Taonga Hitori Tūtūru o Amerika me Te Papa Tongarewa o Aotearoa.

Hei te Rāmere e tū mai nei pōhiritia ai ngā kōiwi ki Te Papa.