Kaupapa: Nelson Mandela

E whakahē ana a Key i te haerenga a Harawira ki Awherika ki te Tonga

Heeni Brown

E hiahia whakautu ana a John Key, he aha i whakapau pūtea-tāke ai a Hone Harawira i tōna haere ki Awherika ki Te Tonga, nā runga i te whakaaro kua ea kē ngā wawata o Aotearoa i te haerenga o ana māngai mō Niu Tireni.

Hei tā Hone Harawira, “Nāku anō i utu i te haere o taku hoa rangatira, nā te pūtea a rangatira o te rōpū Mana hei utu i tōku haere”

E ai ki a Hone Harawira, i haere tahi rāua ko tana hoa-rangatira a Hilda Halkyard-Harawira ki ngā whakaritenga tangihanga maha mō Nelson Mandela, ā, hei tāna i whai wāhi ki te mihi-poroporoāki ki te tūpāpaku o Mandela.

A, kua puta ngā kōrero whakahe mo ta Harawira kore noho ki te nuinga o ngā ra-paremata, hei ta John Key me kaha ake a Harawira te noho ki te ana o ngā raiona.

Hoi anō e pono ana a Harawira kua tutuki i a ia āna mahi mō te tau Pāremata.