E whai mana ana a Te Awanui Huka Pak ki ngā mākete whai rawa o Ūropi

Kua whai whakaaro tētahi Ohu Māori Whakatipu Huakiwi, kei Te Moananui a Toi kia puta ai tana ihu i roto i te mākete huarākau kiwi i Uropi hei te tau hou.

E ai ki te heamana o Te Awanui Huka Pak, a Neil Te Kani, kua whaihua rātou ki ngā whenua o Āhia, heoi ināianei me whakawhānui ake tō ratou tirohanga ki Tahatū.

Ehia kē nei ngā tau kua whakaputa te tarahiti nei o Ngāi Tukairangi i te huakiwi, ā i waimarie hoki rātou kaore I patua I te paihana PSA.

E mohio ana a Neil ki tētahi kaiwhakatipu huakiwi Māori kua piri atu ki te rōpū e tohe ana ki te kāwanatanga mo te kaupapa PSA, kei te kawea ki rō kōti.

Heoi te ahua nei nā te ihu oneone o ngā kaimahi, kua puta pai rātou i ngā taumahatanga.