E tuku aroha ana tētahi hoia Māori ki tōna whānau atu i Ihipa

I te wiki nei i tū ētahi hoia Māori o mua ki mua i te aroaro o te Rōpū Whakamana i te tiriti o Waitangi me tō rātou kōkoraho, ā ahakoa ngā take o taua kereme rā, kua haere tonu te hononga a te Iwi Māori me Te Ope o Tumautaenga, ā i kōrero tētahi hoia o naianei mai i te whenua o Egypt ki a mātou o Te Kāea.

Kāre e kore, he hononga nui tā te Māori ki te ope o tumatauenga.

Ā, kei te kawea e Raniera Bradley taua tikanga rā.

He kaitaraiwa ia i te ope o tumatauenga, ā kua noho ia ki roto i Sinai Peninsula i Egypt. Ahakoa he mōrearea ake ētahi atu o ngā mahi ō Aotearoa ki wāhi kē, he mahi uaua te noho tawhiti i te kainga i tēnei wā o te kirihimete.

I tipu ake a Raniera ki roto ki Ruatorea, a kei te whaiwhai haere ia i ngā tapuwae o ōna kōroua o te kamupene c. Ā kei te wā kainga ōna whakāro i tēnei wā.

Ā he panui hihiri tōna mo tonā whānau.

Heoi ko te tumanako me noho haumaru ngā hoia o aotearoa ki ngā whenua katoa puta noa i te ao i tēnei wā o te kirihimete.