Kaupapa: Environment

E totohe ana te Kawenata Whakaaetanga Āhuarangi o Parī

Neke atu i te toru rau ngā kai-totohe i te āhuarangi i whakatū pihi atu ki te Hekeretari Matua o Amerika, ki a Rex Tillerson, i tana ūnga mai ki Aotearoa. E whai ana tēnei i te tā Donald Trump huri tuarā atu ki te kawenata whakaaetanga o Parī mō te āhuarangi.

Kua whakakotahi atu te rōpū porotū a 350 Aotearoa ki te whare pāremata hei whakahē i te taenga atu o te Hekeretari a Rex Tillerson ki Te Whanganui a Tara.

He whakautu tēnei whakahē ki te wehenga a Donald Trump ki te whakaaetanga āhuarangi o Parī me te koretake a Aotearoa ki taua whakatau.

Kaare i te whakaae ngā kaiārahi o te ao ki te whakatau a Trump heoi kei te noho wahangū te pirimia a Bill English, kei te whakaaro nui hoki te māngai āhuarangi a Paula Bennett ki te whakatau a Trump.

E ai ki a 350 Aotearoa me whiriwhiri a Bill English i te whakatau e tika ana mo te āhuarangi, ko te ara tika o tēnei hītori ko te taha hītori rānei o Donald Trump.