E tohe ana tētahi arotakenga me whakamoe Te Ohu Kaimoana

Ko tā tētahi arotakenga mō ngā whakaritenga hao ika ahumoni Māori, me whakamoe Te Ohu Kaimoana (TOKM), te ohu i whakaritea hei tuku i ngā rawa hao ika ki ngā iwi.

E mohio ana tātou i whakatū TOKM kia tohatoha i ngā rawa hao ika ki ngā iwi, ā i te tata oti i aua mahi rā, e ai ki te arotake, mā te ngā e whakatau ana me pēhea ngā rā ki tua mō Te Ohu Kaimoana.

Nō te tau rua mano mā rima, he rima rau whā tēkau mā toru miriona tāra te wāriu o ngā rawa hao ika kua tohaina e TOKM ki ngā iwi, heoi, e ai ki te heamana, ki a Matiu Rei, he mahi tonu me oti i a rātou.

Hei tāna, “Kei te āwangawanga au i te mea i tēnēi rōpū koina.”

E whakaae ana a Ngahiwi Tomoana me tū tonu Te Ohu Kaimoana, engari hei tāna me whakahoki ētahi o ngā rawa e toe ana ki ngā iwi.

Engari e mōhio ana a Tomoana, tē taea pea e ētahi o ngā iwi te whakahaere tika i aua rawa.

Hei ngā wiki e tū mai nei, tū ai ētahi hui ki ngā iwi puta noa i te motu, kia āta wetewete i ngā tōtuhutanga, ā, hei te marama o Pipiri ka whakatauria e ngā iwi mēnā ka ora ka totohu rānei TOKM.