Ngā kaupapa: Entertainment, Teina Pora

E tautoko ana ngā whetu o Aotearoa i a Teina Pora

Wepiha Te Kanawa

Kua whakakotahi ētahi o ngā tino whetu o Aotearoa ki te waihanga i tētahi kiriata waiata ki te whakakore i te mauheretanga o Teina Pora.

Kua whakaingoahia te kiriata waiata "An Artistic Response to the Teina Pora Case", me ētahi o ngā kaiwhakaari o Shortland St, te rangatira o Mana a Hone Harawira rātou ko ngā tino toki o te ao hip-hop.

I whakarauika he huinga kaiwaiata motuhake ki te tautoko i a Teina Pora. E ai ki te kaipao a Ermehn Loto he kaupapa tēnei e kaingoto ana te aroha.

“He hoa tata maua ko Teina Pora i ngā wa o mua, no reira marama pai ahau ki ngā ahuatanga kei te haere, tona kuhunga atu ki te whare herehere, ki tēnei wa e whawhai ana ki ngā kooti nui.”

Ko te whai maramatanga ki te kaupapa, tā Ermehn e hiahia ana te marea ki te kapo.

“He tokonui o ngā taiohi e kore e tino mohio ko wai a Teina Pora, kaore pea ētahi i ora i taua wā, engari na tēnei mea te paetukutuku kōrero me ngā waiata hip-hop o Aortearoa, kei te kaha rango te marea i tēnei kaupapa, tamariki mia, rangatahi mai hoki.”