E tangi tonu ana te motu i a Lewis Moeau

Talisa Kupenga

E tau tonu ana te tini me te mano nō ngā hau e whā ki te poroporoaki i a Lewis Moeau, kaumātua ki te Whare Paremata, rangatira hoki o tōna iwi, ki te marae o Te Pāhou ki Manutuke.

He roimata a-rangi, ā-mata ano hoki mo te manu tu kē a Lewis Moeau.

Ko tā Derek Lardelli, Māngai Whānau, “pera ano te koroua ra otira te tangata nei a Ruihi, he manu tu kē, whānau mai i konei, i raro i nga kaokao roa o nga kuia o nga koroua o te kaenga katahi ka tipu ka rea ki te ao."

Tau mai te tini mai nga pito katoa o te motu; ko Ngai Tahu, Te Kīngitanga, Ngāti Whakaue, Tumu Te Heuheu rātou ko te Minita Whanaketanga Māori o mua a Te Ururoa Flavell.

Ko tā Lardelli “haere mai ai ratou me te tangi nei ki a ia, me te tino tino tangi mai te iwi nei, ngā iwi, me nga waka kua whakaeke mai nei.”

I tuku mihi Te Koromatua o Turanga a Meng Foon ki a Lewis mo te tautoko te pakihi o tona whanau, kia taea te hoko atu i nga huawhenua i ngā Rātapu i mua i te whakaaetanga ā-ture.

"Te tautoko nui o Rongowhakaata o Ruihi ki a matou koira te mea e kore to matou whanau e warewaretia ki tona mārikatanga tana tautokotanga ki tona mauri awhi mai i a matou."

Hei apopo te ra nehu mo Lewis, Ka tau mai  ia ki Te urupa o Te Maheni hei te tekau ma tahi karaka i te ata.